Staða upplýsingatækni hjá íslenskum fyrirtækjum
frá sjónarhorni ábyrgðaraðila upplýsingatæknimála
maí 2026
Upplýsingatækni er orðin ein lykilforsenda samkeppnishæfni fyrirtækja en hún er enn vannýtt sem raunverulegur drifkraftur virðissköpunar. Helsta áskorunin liggur ekki í aðgengi að tækninni, heldur í því hvernig hún er notuð.
Í því augnamiði að fá innsýn í stöðu upplýsingatækni hjá íslenskum fyrirtækjum, þar með talið helstu áherslur, tækifæri og áskoranir, framkvæmdi Deloitte könnun meðal ábyrgðaraðila upplýsingatæknimála stærstu fyrirtækja landsins. Könnunin var opin frá 24. febrúar 2026 til og með 13. mars 2026.
Niðurstöðurnar sýna ákveðna mótsögn: Íslenskir stjórnendur telja tækni og gervigreind lykilinn að vexti, en óljósar áherslur og skortur á viðeigandi þekkingu stendur í vegi fyrir raunverulegum árangri. Án skýrra markmiða og forgangsröðunar verður starfsemin viðbragðsdrifin í stað þess að vera leiðandi.
Guðrún Ólafsdóttir, meðeigandi Deloitte og sviðsstjóri Tækniráðgjafar
þátttakendur þvert á atvinnugreinar
með 15 ma.kr. eða minna í veltu á síðasta ári
með færri en fimm einstaklinga á upplýsingatæknisviði
Helstu niðurstöður
Rúmlega þriðjungur fyrirtækja ver 75% eða meira af fjármagni í viðhald í upplýsingatækni og 28% stjórnenda vita ekki hlutfall viðhalds og fjárfestinga í upplýsingatækni.
Niðurstöður gefa til kynna að mörg fyrirtæki séu bundin af háum rekstrar- og viðhaldskostnaði, jafnvel í mikilli tækniskuld, sem getur dregið úr svigrúmi til fjárfestinga í umbótum, nýjum lausnum og framtíðaruppbyggingu.
Tæplega helmingur stjórnenda segir upplýsingatækniverkefni ekki fara í framkvæmd vegna forgangs annarra verkefna.
Án skýrrar forgangsröðunar verkefna er óljóst hvernig tæknin eigi að styðja við vöxt fyrirtækisins. Á það sérstaklega við um stærri fyrirtæki þar sem flækjustig og umfang er meira.
Stjórnendur telja stærstu hindranir fyrir innleiðingu gervigreindar innan síns fyrirtækis vera þekkingu og færni starfsfólksannars vegar og gagnaöryggi hins vegar.
Niðurstöður benda til þess að farsæl innleiðing gervigreindar ráðist síður af fjármagni og frekar af hæfni starfsfólks, traustri gagnastjórnun og innri getu til breytinga.
Stjórnendur telja líklegast að forritunarfærni verði útvistað í upplýsingatækniteymum sínum næstu árin.
Einungis 21% stjórnenda segjast munu útvista gervigreindarlausnum sem gefur vísbendingar um að fyrirtæki ætli sér frekar að byggja upp innanhússþekkingu í notkun gervigreindarlausna.
