Deloitte býr yfir breidd og dýpt þekkingar sem á sér engar hliðstæður, með rúmlega 8.000 sérfræðinga í netöryggismálum. Við bjóðum netvarnarþjónustu án landamæra þar sem sérfræðingar fyrirtækisins eru fengnir í verkefni sem hæfa þeirra sérþekkingu.
Deloitte er á meðal fremstu fyrirtækja heims í netöryggisráðgjöf og hefur hlotið fjölmargar viðurkenningar þess efnis. Ráðgjöf Deloitte á Íslandi er huti af netöryggisráðgjöf Deloitte á alþjóðavísu sem sameinar um 9.000 sérfræðinga í yfir 150 löndum og landsvæðum. Hjá netöryggisráðgjöf Deloitte á Íslandi starfar fjölbreyttur hópur sérfræðinga með bæði menntun og víðtæka reynslu á sviði netöryggis.
Stefna og stjórnskipulag netöryggis – Deloitte aðstoðar fyrirtæki við að móta framtíðarsýn netöryggis og stjórnskipulags netöryggis, auk þess að útbúa vegvísi til að komast á æskilegan stað.
Öryggisstjóri – Deloitte getur tekið að sér hlutverk öryggisstjóra í útvistun (CISO as a Service).
Netöryggisþjálfun – Deloitte veitir viðskiptavinum aðgang að þjálfunarkerfi með myndböndum sem auka vitund starfsmanna gegn net- og upplýsingaöryggisógnum, hvernig hægt er að bregðast við og hvað skal varast.
Hlítni við lög, reglur og staðla (e. compliance) – Deloitte aðstoðar fyrirtæki við gerð og innleiðingu verkferla, auk þess að leiðbeina fyrirtækjum með að ná hlýtingu við lög, reglur og staðla, t.d. NIS reglugerð, ISO 27001 og fleira.
Ferlar og áhættumat – Deloitte aðstoðar við gerð ferla varðandi hin ýmsu mál t.d. aðgangsmál, breytingastjórnun, afritun og uppfærslustjórnun. Þá geta sérfræðingar framkvæmt áhættumat þar sem helstu áhættur og kerfi eru áhættumetin.
Veikleikagreiningar – Deloitte aðstoðar fyrirtæki við að ná yfirsýn yfir þá þekktu veikleika sem eru til staðar í tölvukerfum sínum ásamt því að leiðbeina eða framkvæma lagfæringar á þeim veikleikum.
Innbrotsprófanir – Deloitte framkvæmir innbrotsprófanir þar sem hermt er eftir árásaraðilum og reynt að brjótast inn í kerfi fyrirtækis, hvort sem eru vefsíður eða innri kerfi.
Kóðarýni – Deloitte framkvæmir kóðarýni á frumkóða hugbúnaðar til að greina veikleika í kóðanum, oftar en ekki áður en kóðinn verður að útgefnu kerfi.
Öryggi skýjalausna – Deloitte rýnir stillingar skýjalausna m.t.t. öryggis og aðstoðar viðskiptavini við að auka öryggisstig skýjalausna sinna.
Vöktunarþjónusta – Vöktunarmiðstöð Deloitte fylgist með kerfum fyrirtækja 24/7/365 og bregst við samkvæmt fyrirfram ákveðnum ferlum, hvort sem það er að láta viðskiptavin vita eða áframsenda verkefnið á sérfræðinga okkar sem geta brugðist við og lokað á atvikið.
Greining tölvukerfis – Sérfræðingar Deloitte tengjast við tölvukerfi fyrirtækis og greina hvort líklegt er að árásaraðili sé kominn inn fyrir fremstu varnir tölvukerfisins.
Upplýsingaöflun – Öryggismiðstöðvar Deloitte fylgjast með Internetinu og svokölluðu Dark Web. Þar eru ýmis gögn og samskipti vöktuð til að greina hvaða fyrirtæki og starfsgreinar eru líklegastar til að lenda í næstu árásum. Þá er Deloitte með sértækar vaktanir í samráði við viðskiptavini.
Viðbragðsþjónusta netöryggisatvika – Deloitte aðstoðar fyrirtæki sem lenda í tölvuáras við að koma árásaraðilum út úr tölvukerfinu, greina hvað árásaraðili gerði í tölvukerfinu og við endurbyggingu þess. Þá höfum við yfir að ráða persónuverndarsérfræðingum sem geta aðstoðað ef atvikið hefur áhrif á persónugreinanleg gögn.
Æfingar vegna netárása – Deloitte framkvæmir æfingar vegna netöryggisatvika t.d. skrifborðsæfingar þar sem farið er yfir ákveðin tilvik sem gætu orðið vegna netárásar eða jafnvel bilunar í kerfum, hvernig brugðist yrði við og hvernig bæta mætti viðbrögðin.
