Innri endurskoðun

Innri endurskoðun leggur mat á og bætir virkni áhættustýringar, innra eftirlits og stjórnarhátta og stuðlar þannig að því að fyrirtæki, stofnanir og félagasamtök nái markmiðum sínum. Áhrifarík innri endurskoðun stuðlar að því að stjórnendur fái tímanlegar og áreiðanlegar fjárhags- og rekstrarupplýsingar og geti með því brugðist skjótt við vandamálum sem upp koma í rekstrinum.

Deloitte hefur langa reynslu í innri endurskoðun fyrirtækja og stofnana, allt frá ráðgjöf til útvistunar innri endurskoðunar. Hjá Deloitte starfa fjölmargir sérfræðingar með mikla þekkingu og reynslu á innra eftirliti, áhættustýringu og góðum stjórnarháttum.

Umfang innri endurskoðunaráætlunar er alltaf ákveðið í samvinnu við viðskiptavini. Þá eru valdir sérfræðingar í samræmi við umfang og eðli hvers verkefnis þannig það skili sem mestum ávinningi fyrir fyrirtækið.

Deloitte getur meðal annars aðstoðað með:

• Innri endurskoðun fyrir fyrirtæki og stofnanir (útvistað eða hlutvistað)
• Innri og ytri gæðaúttektir á starfsemi innri endurskoðunardeilda
• Ráðgjöf á sviði innra eftirlits og áhættustýringar
• Sannprófun á virkni innra eftirlits
• Ráðgjöf á sviði góðra stjórnarhátta í fyrirtækjum
• Sérstakar innri endurskoðunarúttektir - sérhæfing í innri endurskoðun netöryggis, persónuverndar og upplýsingaöryggis
• Ráðgjöf til endurskoðunarnefnda, m.a. starfsreglur og verkefni endurskoðunarnefnda
• Ráðgjöf til innri endurskoðunardeilda, þjálfun og kennsla starfsmanna í innri endurskoðun
• Sérstakar rannsóknir á meðal annars sviksemi og á brotum á starfsreglum, lögum og reglum