Fjárhagsleg endurskipulagning

Deloitte býr yfir umfangsmikilli reynslu af fjárhagslegri og rekstrarlegri endurskipulagningu fyrirtækja. Við veitum þjónustu til bæði fyrirtækja, stjórnenda og eigenda, lánadrottna og annarra hluthafa fyrirtækja í erfiðleikum.

Þjónusta okkar felur meðal annars í sér:

• Framkvæma óháða úttekt á starfsemi félagsins.

• Yfirfara og meta aðgerðaáætlun, viðskiptaáætlun, rekstraráætlanir og spár til að leggja mat á getu félagsins til að standa við skuldbindingar sínar og skilgreina rekstrargrundvöll félagsins til framtíðar.

• Meta lausafjárþörf félagsins til skamms- og langtíma og koma með tillögur til að styrkja sjóðstreymi félagsins og hámarka nýtingu veltufjármuna.

• Koma auga á og greina umfang, dýpt, orsakir og afleiðingar fjárhagslegs vanda sem fyrirtækið stendur frammi fyrir. Í framhaldinu útbúum við aðgerðaáætlun og tökum einnig virkan þátt í framkvæmd hennar.

• Ná fram hagræðingu í rekstri, til dæmis með innvistun eða útvistun.

• Leiða áfram eða styðja við undirbúning þess að ná nýrri markaðsstöðu, með gerð áætlana er varða rekstur, veltu eða endurskipulagningu.

• Aðstoða stjórnendur í gegnum endurskipulagningarferlið. Deloitte getur einnig lánað starfsmann til félagsins til að leiða endurskipulagningarferlið.

• Leiða sölu á einingum í taprekstri eða órekstrartengdum eignum (t.d. eignarhlut í öðrum félögum).

• Veita ráðgjöf við stjórnun félags í skyndilegum fjárhagsvanda ásamt því að leiða samningaviðræður við kröfuhafa og aðra hluthafa.

• Veita aðstoð til skiptastjóra, t.d. með skoðun afmarkaðra þátta, verðmats o.fl.