Deloitte Gen Z and Millennial Survey 2026
Innsýn í viðhorf rúmlega 22.500 einstaklinga sem tilheyra Z-kynslóðinni og aldamótakynslóðinni.
Kynslóðirnar sem hafa umbreytt vinnumarkaðnum
Deloitte gefur nú út í 15. sinn skýrslu sem byggir á könnun meðal einstaklinga sem tilheyra Z-kynslóðinni og aldamótakynslóðinni. Svör bárust frá yfir 22.500 einstaklingum í 44 löndum og landsvæðum.
Könnuninni er ætlað að veita innsýn í viðhorf kynslóðanna til starfsumhverfis og -frama, áherslur þeirra og forgangsröðun og hvað skiptir þau raunverulega máli.
Sækjast eftir framþróun á eigin forsendum
Á undanförnum 15 árum hafa Z-kynslóðin og aldamótakynslóðin haft áþreifanleg áhrif á vinnumarkaðinn og hvernig viðhorf fólk hefur til starfsumhverfis síns. Breytingar hafa orðið á vinnustaðamenningu og leiðtogastíl og sveigjanlegra vinnufyrirkomulag hefur fest sig í sessi. Með þessum kynslóðum hefur sömuleiðis umræða um geðheilsu og andlega líðan orðið opnari og meiri áhersla er lögð á tilgang og gildi þegar kemur að starfsvali einstaklinga.
Kynslóðirnar sækjast eftir framförum á eigin forsendum og setja stöðugleika og vellíðan ofar sérstökum stjórnunarstöðum og hröðum framgangi í atvinnulífinu.
Bjartsýn þrátt fyrir ytri áskoranir
Þrátt fyrir ytri áskoranir, t.a.m. hækkandi framfærslukostnað, húsnæðisvanda og hraðar tæknibreytingar, er bjartsýni til staðar. Þátttakendur hafa meiri trú á eigin fjárhagslegri framtíð en stöðu hagkerfisins í heild og leggja ríka áherslu á símenntun og þróun á sínum starfsferli. Tilgangur og góð tenging er að þeirra mati það sem einkennir góðan vinnustað og stuðlar að starfánægju.
Notkun gervigreindar
Aðspurð um notkun gervigreindar, sýna niðurstöður að flest allir þátttakendur líta á hraða útbreiðslu gervigreindar sem tækifæri frekar en ógn. Þeir telja að gervigreindin geti sparað tíma, aukið framleiðni og opnað á nýjar leiðir til vaxtar. Á sama tíma upplifa margir að þeir séu sjálfir fljótari að tileinka sér nýtingu gervigreindar en vinnustaðir þeirra.
74% bæði Z-kynslóðarinnar og aldamótakynslóðarinnar nýta gervigreind daglega í sínu starfi og er það rúmlega tuttugu prósenta hækkun frá síðasta ári.
