Fara í aðalefni
Welcome to Deloitte

If we have selected the wrong experience for you, please change it above.

Viltu slást í hópinn?


 

Skoða laus störf

Mannauðurinn

Hjá Deloitte á Íslandi starfa um 320 frábærir einstaklingar á starfsstöðvum okkar víðsvegar um landið. Við erum eins ólík og við erum mörg en saman vinnum við að því að hafa þýðingarmikil áhrif fyrir hvort annað, viðskiptavini og samfélagið allt.

Hvað gerir lífið hjá Deloitte svo einstakt? Menning okkar byggir á fjölbreytileika, samvinnu, metnaði og jöfnum tækifærum. Við leggjum okkur fram við að skapa umhverfi þar sem allir geta verið þeir sjálfir og blómstrað á sinn hátt.

Jafnréttisstefna Deloitte

Sjá nánar
Launajafnrétti

Greidd eru jöfn laun fyrir sömu eða jafnverðmæt og sambærileg störf þannig að enginn kynbundinn launamunur sé til staðar.

Framgangur í starfi

Deloitte leitast við að gæta jafnréttis við ráðningar í störf og tilfærslur í starfi. Öllu starfsfólki er jafnframt tryggður jafn aðgangur, í samræmi við kröfur starfa, að menntun og þjálfun.

Samþætting vinnu og einkalífs

Starfsfólki er gert kleift að samþætta vinnu og einkalíf, m.a. með sveigjanlegu starfshlutfalli, tækifærum til fjarvinnu o.fl. Foreldrar, óháð kyni eða kynvitund, eru hvattir til að sinna foreldrahlutverkinu vel, með töku fæðingarorlofs og fjarveru vegna veikinda barna.

Einelti og áreitni

Komið er fram við alla af virðingu og kurteisi og einelti og áreitni er ekki liðin. Deloitte leitast við að skapa öllu starfsfólki starfsumhverfi sem laust er við einelti, kynferðislega áreitni, kynbundna áreitni og kynbundið ofbeldi.

Hjá Deloitte starfar tónlistarfólk, hlauparar, ömmur og afar, golfarar, bókaormar, göngugarpar, sjósundskempur, blóðgjafar, hundaeigendur og svo mætti lengi telja!