Lögfræðiráðgjöf

Samningar skipa stóran sess í rekstri fyrirtækja enda verið að taka ákvarðanir dag frá degi sem kalla á samningaviðræður af ýmsum toga. Það skiptir því máli að huga að öllum þáttum ferlisins strax frá upphafi. Með því er dregið úr líkum á að snurða hlaupi á þráðinn þegar ferlið er hafið eða jafnvel eftir að samningssambandið er komið á eða ákvarðanir teknar. Á það ekki síst við um samruna og yfirtökur, sem eru af öllum stærðum og gerðum og jafnvel á milli landamæra, og hafa grundvallaráhrif á fyrirtæki og hagsmunaaðila til lengri tíma.

Hjá Deloitte Legal starfa lögfræðingar og lögmenn með víðtæka reynslu af samningagerð, sem og annarri skjalagerð, sem aðstoða samningsaðila við að greina þær þarfir og ná þeim markmiðum sem að er stefnt með samningagerðinni. Þá hafa þeir umfangsmikla reynslu af því að styðja stjórnendur fyrirtækja frá upphafi til enda í samruna- og yfirtökuferlum, allt frá gerð áreiðanleikakönnunar, í gegnum kaupsamningsferlið, og við samþættingu í kjölfar yfirtöku.

Þjónusta Deloitte Legal á sviði samningaréttar, samruna og yfirtaka

Meðal þeirrar þjónustu sem Deloitte Legal veitir á sviði samningaréttar, samruna og yfirtaka er:

• Almenn ráðgjöf vegna samningagerðar, allt frá samningum við hagaðila, starfsmenn eða opinber yfirvöld
• Ráðgjöf og/eða aðstoð við samningaviðræður við hvers kyns hagsmunaaðila eða yfirvöld
• Ráðgjöf og samningar um kaup og sölu fyrirtækja, s.s. gerð trúnaðaryfirlýsinga, viðskiptaskilmála, samningstilboða og kaupsamninga
• Framkvæmd lagalegra áreiðanleikakannana við kaup og sölu fyrirtækja
• Ráðgjöf í tengslum við samkeppnisrétt, tilkynningar til Samkeppnisyfirvalda
• Ráðgjöf og skjalagerð vegna endurskipulagninga, skiptinga, samruna eða yfirtöku félaga
• Aðstoð við kortlagningu á lögfræðilegum álitamálum og mögulegri samþættingu eftir kaup eða samruna fyrirtækja (e. post merger intergration)
• Annars konar tengd ráðgjöf, skjalagerð og samskipti við hið opinbera
• Úrlausn ágreiningsmála, s.s. á sviði málflutnings

Lög og reglur hafa áhrif á fyrirtæki með margvíslegum hætti, allt frá stofnun þeirra til reksturs og stjórnunar. Að því regluverki þarf ekki eingöngu að huga þegar kemur að hlutverkum og valdmörkum tiltekinna aðila, svo sem hluthafa, stjórna og stjórnenda, heldur er það samofið margvíslegri ákvarðanatöku og getur því haft áhrif á lengri tíma stöðu og stefnu fyrirtækja. Má þar m.a. nefna þætti á borð við stjórnarhætti, fjárfestingar, kaup og sölu, starfsmannamál, samskipti við opinbera aðila og úrlausn ágreiningsmála.

Lögfræðingar og lögmenn Deloitte Legal eru með yfirgripsmikla reynslu á þessum sviðum og styðja við stjórnendur fyrirtækja með því að greina áhættur og tækifæri og leggja til markvissar lausnir.

Þjónusta Deloitte Legal á sviði félagaréttar og fyrirtækjaráðgjafar

Meðal þeirrar þjónustu sem Deloitte Legal veitir á sviði félagaréttar og fyrirtækjaráðgjafar er:

• Stofnun hvers kyns félaga og tengd ráðgjöf fyrir innlenda jafn sem erlenda aðila
• Stjórnarhættir fyrirtækja, starfsreglur stjórna, starfskjarastefnur og gerð hluthafasamninga
• Aðstoða stjórnir og stjórnendur með fundargerðir, fundarstjórn og framkvæmd hluthafafunda
• Aðstoð í tengslum við fjárfestingar og kaup og sölu eigna, s.s. annarra félaga eða fasteigna
• Almenn samninga- og skjalagerð, s.s. leigusamningar og verksamningar
• Skjalagerð, þar á meðal kauptilboðsgerð eða yfirferð, kaupsamningsgerð, samningagerð við starfsmenn, hluthafasamkomulög, tilkynningar til yfirvalda o.s.frv.
• Margvísleg aðstoð við innanhússlögfræðinga eða regluverði
• Aðstoð á sviði vinnuréttarmála fyrir fyrirtæki, s.s. gerð ráðningarsamninga, starfslokasamninga og kaupréttarsamninga og áætlana
• Sækja um ívilnanir og atvinnu- og dvalarleyfi fyrir erlenda sérfræðinga fyrirtækja
• Aðstoð við ýmis leyfismál og samskipti við viðkomandi stofnanir
• Samskipti við stjórnvöld, þ.m.t. meðferð kærumála hjá stjórnvöldum og umsagnir um lagafrumvörp
• Úrlausn ágreiningsmála, s.s. á sviði málflutnings fyrir dómstólum

Til að tryggja heilbrigðan rekstrargrundvöll og undirbyggja vöxt þurfa stjórnendur sífellt að leitast við að halda fjármögnun og skipulagi sinna fyrirtækja í góðu standi. Í því samhengi þarf gjarnan að huga að endurfjármögnun eldri lána, nýjum lántökum, útgáfu skuldabréfa útgáfu nýs hlutafjár og jafnvel skráningu á markað. Þá geta mál þróast þannig að fyrirtæki þurfi að nýta sér tiltekin úrræði til endurskipulagningar, á borð við greiðslustöðvanir og nauðasamninga. Í þessum ferlum er að mörgu að huga þar sem hagsmunir geta verið miklir og hagsmunaaðilar margir.

Deloitte Legal hefur yfir að búa viðmikilli reynslu á sviði fjármögnunar og fjárhagslegrar endurskipulagningar, að viðbættri þekkingu og reynslu úr atvinnulífinu. Í þessum málum, eins og öðrum, er áhersla þjónustunnar á að viðskiptavinum sé gert kleift að ná þeim fjárhagslegu markmiðum sem þeir stefna að á sem skilvirkastan máta.

Þjónusta Deloitte Legal á sviði fjármögnunar og fjárhagslegrar endurskipulagningar

Meðal þeirrar þjónustu sem Deloitte Legal veitir á sviði fjármögnunar og fjárhagslegrar endurskipulagningar er:

• Aðstoð breytingar á hlutafé og ýmis ráðgjöf um málefni hluthafa eða eigenda fyrirtækja
• Gerð lánasamninga, skuldabréfa og annarra fjármögnunarskjala
• Aðstoð í fjármögnunarferli, samskipti við lánveitendur og fjárfesta
• Ráðgjöf og aðstoð við skráningu félaga á skipulega verðbréfamarkaði
• Aðstoð í greiðslustöðvun, nauðasamningum og gjaldþrotaskiptum
• Samningagerð við kröfuhafa og birgja í tengslum við endurskipulagningu
• Aðstoð við ýmis leyfismál og samskipti við Seðlabankann / Fjármálaeftirlitið
• Ráðgjöf í tengslum við útgreiðslur til eigenda eða uppskiptingu fyrirtækja í tengslum við endurskipulagningu
• Aðstoð við eigendur fyrirtækja í tengslum við kynslóðaskipti
• Gerð kaupmála, skilnaðarsamninga og erfðarskrár, auk aðstoð við skipti
• Úrlausn ágreiningsmála, s.s. á sviði málflutnings fyrir dómstólum