Gagna- og gervigreind

Undirstaða árangursríkrar notkunar á gervigreind er vel skilgreind stefna. Við aðstoðum þig að móta og skilgreina gervigreindarstefnu þíns fyrirtæki, það er hvernig gervigreind skal notuð í starfseminni bæði gagnvart starfsfólki og viðskiptavinum. Hér þarf til að mynda að huga að ábyrgri og siðferðislegri notkun, auk gagnsæis og rekjanleika.

Markmiðið með gervigreindarstefnu er að tryggja farsæla innleiðingu gervigreindarlausna í starfsemina þannig að áþreifanlegur árangur náist.

Gervigreindin byggir á notkun algóriþma sem getur unnið úr gríðarlega miklu magni gagna; hann greinir gögnin, flokkar þau og setur fram á auðskiljanlegan hátt. Algóriþmar læra samhengi og mynstur og geta þannig betrumbætt niðurstöður smám saman.

Þessi úrvinnsla gervigreindar á þínum gögnum veitir þér aukinn skýrleika og betri innsýn sem leiðir af sér upplýstari ákvarðanatöku.

Ef samþættingu kerfa er ábótavant getur það þýtt að gögn liggja víðsvegar; í mörgum kerfum og kerfum sem tala jafnvel ekki öll saman.

Við aðstoðum þig við að umbreyta gögnunum (e. data modernisation) með því að flytja þau úr gömlum kerfum eða gagnagrunnum yfir í skýjalausnir. Þannig verða gögnin aðgengilegri fyrir þær gervigreindarlausnir sem á að nota.

Samþætting gervigreindar og sjálfvirknivæðingar er oft sú lausn sem til þarf til að hámarka árangur. Þetta þýðir að ekki aðeins eru verkefni sjálfvirknivædd, t.d. ákveðnir endurteknir ferlar, heldur er einnig notast við gervigreind til að líkja eftir ákvörðunum, samskiptum og dómgreind manna.

Sjálfvirkir ferlar, t.d. með notkun róbóta, safna gögnum og skila þeim á fyrirfram skilgreindan hátt. Gervigreindin getur aftur á móti lesið úr gögnunum, greint texta og upplýsingar og líkt þannig eftir mannlegri hegðun.