Stefnumótun og áætlanagerð

Stefnumótun og viðskiptaþróun

Árangur byggist á réttri ákvarðanatöku. Við styðjum stjórnendur í að taka skilvirkar og markvissar ákvarðanir sem skila vexti í síbreytilegum heimi.

Teymið okkar vinnur með forstjórum og stjórnendateymum að því að móta stefnu sem byggir á djúpri innsýn í rekstur, markað og tækniþróun. Með því að greina hvað skiptir mestu máli hjálpum við fyrirtækjum að skerpa á sýn sinni, velja stefnu sem styður hana og umbreyta hugmyndum í framkvæmanlegar aðgerðir.

Stefnumótun er ekki skjal sem liggur í skúffu heldur lifandi samansafn ákvarðana um hvar fyrirtækið ætlar að keppa, hvernig það ætlar að vinna og hvað þarf að vera til staðar til að það takist. Við vinnum með stjórnendum að því að móta þessar ákvarðanir og tengja þær við daglegan rekstur þannig að stefna og framkvæmd haldist í hendur. Hvort sem verið er að hefja nýtt verkefni eða umbreyta rótgrónu fyrirtæki er markmiðið alltaf hið sama: að skapa skýra átt og raunhæfa leið að árangri.
 

Áætlanagerð

Áætlanagerð er ekki aðeins tæknilegt ferli heldur mikilvægur hluti af stefnu og ákvarðanatöku. Hún hjálpar fyrirtækjum að sjá heildarmyndina, forgangsraða verkefnum og fylgjast með hvort ákvörðunum er fylgt eftir í raun.

Ferlið krefst fókus, skýrrar ábyrgðar og skilvirkrar framkvæmdar. Of flókin líkön eða ósamræmi milli áætlana og raunverulegs árangurs getur dregið úr gildi vinnunnar. Við aðstoðum fyrirtæki við að einfalda og styrkja ferlið þannig að það nýtist sem raunverulegt stýritæki í rekstri.

Við hjálpum meðal annars við að hanna áætlanagerð sem er í takt við þarfir fyrirtækisins, stilla saman ferla og verkfæri, og tryggja að forsendur, líkanagerð og eftirfylgni myndi samfellt og gagnsætt ferli. Þannig verður áætlanagerð ekki árleg vinna sem klárast á tilteknum tíma, heldur samfelld leið til að fylgjast með, læra og aðlaga stefnu að breyttum aðstæðum.