Námskeiðaröð Deloitte 2025

Virðisaukaskattur snertir nær alla anga í rekstri fyrirtækja, hvort sem það tengist innflutningi eða útflutningi, sölu á vörum eða þjónustu ásamt innkaupum aðfanga.

Á námskeiðinu verður farið yfir helstu VSK-þætti fyrirtækja og hvaða atriði ber almennt að hafa sérstaklega í huga þegar kemur að virðisaukaskatti í rekstri fyrirtækja. Einnig verður fjallað um VSK-tengd álitamál varðandi fasteignir, innskattskvaðir, innskattsheimildir o.fl. 

Framsögumenn eru þær Edda María Sveinsdóttir og Katrín Björk Þórhallsdóttir.

Framsetning skiptir máli, sérstaklega þegar efni er kynnt fyrir þeim sem ráða á vinnustaðnum. Þessi fyrirlestur lýsir hvernig setja má upplýsingar fram á auðskilinn hátt og þannig að einfalt sé að taka ígrundaða ákvörðun, fyrirtækinu til heilla.

Þá lærir þú einfaldar leiðir til að setja efni þitt skýrt fram og stuðla þannig að betri og skilvirkari ákvarðanatöku. 

Framsögumaður er Gísli Guðjónsson.

Fjallað verður um nýlegar áskoranir og bakslag í sjálfbærnimálum ásamt breyttu regluverki. Slíkt hefur kallað fram ákveðna óvissu fyrir atvinnulífið sem stendur engu að síður frammi fyrir áframhaldandi áskorunum, sem og tækifærum tengdum málaflokknum.

Framsögumenn eru Steina Dröfn Snorradóttir og Gunnar Sveinn Magnússon.

Farið verður yfir virði fjárhagskerfa og undirbúning innleiðingar. Rætt verður um helstu kosti fjárhagskerfa almennt, stiklað á stóru varðandi þekktustu kerfin og hvaða hluti ber að hafa í huga áður en ráðist er í innleiðingu eða uppfærslu kerfis. Að lokum verður rætt um bestu venjur þegar kemur að farsælum rekstri fjárhagskerfa.

Framsögumaður er Stefán Ingi Arnarson.

Farið yfir helstu kröfur nýs staðals, IFRS 18, sem fjallar um framsetningu og skýringar í reikningsskilum. Staðallinn, sem leysir af hólmi IAS 1, tekur gildi 1. janúar 2027 og mun hafa víðtæk áhrif fyrir þá aðila sem gera reikningsskil í samræmi við alþjóðlega reikningsskilastaðla (IFRS), einkum á framsetningu rekstrarreiknings.

Það er mikilvægt fyrir IFRS félög að huga tímanlega að innleiðingu þar sem gerð er krafa um afturvirka innleiðingu og endurgerð á samanburðartölum (vegna 2026).

Þá verður einnig farið yfir nokkur viðfangsefni sem algengt er að misskiljist eða gleymist við gerð reikningsskila.

Framsögumenn eru Helgi Einar Karlsson og Signý Magnúsdóttir.

Farið verður yfir helstu kröfur ársreikningalaga og alþjóðlegra reikningsskilastaðla (IFRS 3 Business Combinations og IFRS 10 Consolidation) vegna yfirtöku á félögum og við gerð samstæðugerð. Farið verður yfir raunhæf dæmi og algeng álitaefni.

Framsögumaður er Helgi Einar Karlsson.

Á námskeiðinu verður farið yfir 10 gagnleg ráð við notkun gervigreindar sem einfalda dagleg verkefni, hjálpa þér að spara tíma og gera vinnudaginn áhrifaríkari. 

Framsögumaður er Olgeir Óskarsson.