Jafnréttisstefna Deloitte
Jafnréttisstefnu Deloitte er ætlað að tryggja jafnrétti kynjanna
Jafnréttisstefna Deloitte kveður á um að hver hver starfsmaður skuli metinn að eigin verðleikum og njóta sömu tækifæra í öllum þáttum starfseminnar og þar sem hugsanlegrar mismununar gæti gætt vegna þátta sem alla jafna geta aðgreint fólk. Þættir sem horft er til í þessu samhengi eru t.d. öll kyn, hlutlaus kyn, aldur, fötlun, uppruni, kynhneigð, kynvitund,trúar-, lífs- og stjórnmálaskoðanir.
Samþætting vinnu og einkalífs
Starfsfólki er gert kleift að samþætta vinnu og einkalíf, m.a. með sveigjanlegu starfshlutfalli, tækifærum til fjarvinnu o.fl. Foreldrar, óháð kyni eða kynvitund, eru hvattir til að sinna foreldrahlutverkinu vel, með töku fæðingarorlofs og fjarveru vegna veikinda barna.
Opnast í nýjum glugga
Mannauðsstjóri vinnur að því að jafnréttisstefnu sé framfylgt og leggur mat á hvort markmiðum hennar sé náð. Ábyrgð á framgangi jafnréttismála er hjá forstjóra, mannauðsstjóra og sviðsstjórum.
Jafnréttisstefna er kynnt fyrir öllu starfsfólki Deloitte og er aðgengileg á innri og ytri vef félagsins. Aðgerðaáætlun með jafnréttisstefnu er einnig kynnt og aðgengileg öllu starfsfólki.
Jafnréttisstefna þessi og meðfylgjandi aðgerðaáætlun nær til allrar starfsemi Deloitte á Íslandi og fer endurskoðun hennar fram að lágmarki á þriggja ára fresti.
