Námskeið í reikningsskilum |
Deloitte býður upp á fjölbreytt námskeið í reikningsskilum og alþjóðlegum reikningsskilastöðlum. Námskeiðin eru ætluð fjármálastjórum, stjórnarmönnum, nefndarmönnum í endurskoðunarnefndum, starfsfólki í reikningsskilum, o.fl.
Námskeiðin verða haldin á tímabilinu 22. nóvember til 13. desember hjá Deloitte í Turninum við Smáratorg 3, í Kópavogi. Kennarar eru sérfræðingar Deloitte á Íslandi í reikningsskilum.
Námskeiðin veita löggiltum endurskoðendum endurmenntunareiningar í reikningsskilum. Nánari upplýsingar um skráningu og skipulag námskeiða veitir Katrín Hauksdóttir í síma 580-3000 eða í
tölvupósti á netfanginu katrin.hauksdottir@deloitte.is
Sjá hér að neðan nánari upplýsingar um námskeiðin:
| Dags. | Regluv. | Lýsing | Tími | Verð |
| 22. nóvember |
IAS 24 Upplýsingar um tengda aðila |
Á námskeiðinu verður farið yfir skilgreiningu á tengdum aðilum samkvæmt IAS 24, hvaða upplýsinga er krafist í skýringum og hvaða undanþágur eru til staðar í staðlinum vegna félaga sem tengd eru hinu opinbera. Skráning á námskeið |
kl. 9.00-11.00 | kr. 12.000 |
| 23. nóvember |
IAS 1 Framsetning |
Fjallað verður um ýmis atriði varðandi flokkun og framsetningu í rekstrarreikningi og yfirliti um heildarafkomu, efnahagsreikningi og eiginfjáryfirliti sem og helstu kröfur um upplýsingar í skýringum. Skráning á námskeið |
kl. 9.00-11.00 | kr. 12.000 |
| 30. nóvember |
IFRS 10 og 12 Samstæðureikningsskil og skýringar um |
Þessir nýju staðlar innihalda reglur sem gilda um skráningu fjárfestinga í dótturfélögum, hlutdeildarfélögum, samrekstrarfélögum og samrekstri í ársreikningum og samstæðureikningum og um tengda upplýsingagjöf í skýringum. Staðallinn IFRS 10 leysir af hólmi IAS 27 um gerð samstæðureikninga og inniheldur m.a. reglur um mat á því hvenær félag er talið fara með yfirráð yfir öðru félagi. Reglur IFRS 10 eru mun ítarlegri en reglur IAS 27 og því verður farið yfir möguleg áhrif á samstæðureikningsskil félaga. IFRS 12 fjallar um skýringarkröfur vegna hagsmuna í öðrum félögum og gerir sá staðall mun ítarlegri kröfur um upplýsingagjöf í skýringum, til dæmis vegna minnihluta í dótturfélögum og vegna aðkomu að sérsniðum félögum (e. structured entities). Skráning á námskeið |
kl. 9.00-11.00 | kr. 12.000 |
| 3. desember |
IFRS Nýlegar breytingar |
Komið inn á helstu breytingar sem gerðar hafa verið á alþjóðlegum reikningsskilastöðlum og hafa áhrif á reikningsskil félaga fyrir árið 2012 og síðar. Farið verður í gegnum nýja staðla sem samþykktir voru á árinu og taka gildi 1.1.2013 samkvæmt IASB en Evrópusambandið hefur verið að skoða frestun á þeim gildistökudegi fram til 1.1.2014. Einnig er farið í gegnum hvaða breytingar eru framundan með tilvísun í núverandi dagskrá IASB sem dæmi má nefna umfjöllum og breytingar á tekjuskráningu, meðferð leigusamninga, meðferð fjármálagerninga o.s.frv. Skráning á námskeið |
kl. 9.00-11.00 | kr. 12.000 |
| 4. desember |
IAS 12 Tekjuskattur og kröfur |
Almenn yfirferð yfir útreikning á tekjuskattsskuldbindingu og helstu liði sem þarf að taka tillit til með hliðsjón af núverandi skattaumhverfi. Farið í gegnum kröfum íslenskra ársreikningslaga og IAS 12 alþjóðlegan staðal um tekjuskatt. Skráning á námskeið |
kl. 9.00-11.00 | kr. 12.000 |
| 13. desember |
IAS 7 Sjóðstreymi og kröfur |
Almenn yfirferð yfir kröfur íslenskra ársreikningalaga um gerð sjóðstreymis sem og alþjóðlegs staðals IAS 7 um sjóðstreymi. Einnig verður komið inn á vinnulag við gerð sjóðstreymis. Skráning á námskeið |
kl. 9.00-11.00 | kr. 12.000 |
* Ef heildarfjöldi fer undir 10 þátttakendur, áskilur Deloitte sér rétt til að fella niður viðkomandi námskeið.
