Lajme
Pyetjet e bëra më shpesh
FAQ
Program për ndërmarrjet e mesme dhe të vogla dhe Start-up-et inovative në Ballkanin Perëndimor. Përshtatni modelin tuaj të biznesit, ndërtoni rezistencën dhe zgjeroni praninë tuaj në treg!
Q: Cilat janë përfitimet nga pjesëmarrja në PowerUP?
Përfitimet nga pjesëmarrja në këtë program janë të shumëfishta dhe varen nga qëllimi i kompanisë. Përfitimet kryesore janë të përmendura më poshtë:
- Mbështetje për ndërtimin e kapaciteteve që synojnë zgjerimin e pranisë në treg të kompanisë, përshtatjen e modelit të saj të biznesit duke përmirësuar qëndrueshmërinë e kompanisë dhe duke rritur gatishmërinë ndaj investimeve.
- Pjesëmarrje dhe mundësi për të fituar në konkursin më unik të biznesit në Ballkanin Perëndimor.
- Mundësi njohjeje dhe takime me drejtues biznesesh, investitorë, sipërmarrës me përvojë nga rajoni dhe më gjerë.
- Fitimi i "Çmimit të Sipërmarrjes Ekselente në Ballkanin Perëndimor".
- Fitimi i mbështetjes ekskluzive, të dedikuar, të këshillimit të biznesit nga ekspertë vendorë dhe rajonalë nga firma e shquar dhe më e madhe në fushën e konsulencës në botë, Deloitte.
- Ekspozimi dhe njohje të rëndësishme - promovim në median lokale dhe rajonale.
Q: Kush po e organizon PowerUP?
Programi është hartuar dhe vlerësuar nga Grupi i Bankës Botërore, i financuar nga Bashkimi Evropian nëpërmjet Western Balkans Enterprise Development & Innovation Facility (WB EDIF) dhe zbatohet me mbështetjen e firmës së konsulencës Deloitte.
Q: Sa kushton?
Programi financohet nga Bashkimi Evropian nëpëmjet Western Balkans Enterprise Development & Innovation Facility (WB EDIF). Pjesëmarrja është pa pagesë. Sidoqoftë, ne duam të sigurohemi që sipërmarrësit janë të angazhuar për të rritur firmat e tyre. Kështu, nga përfaqësuesit e kompanive do të kërkohet të nënshkruajnë një Memorandum Mirëkuptimi përpara se programi të fillojë, duke i kushtuar kohë projektit, i cili përfshin ushtrime në internet, prezantime video, prezencë dhe dorëzim prezantimesh online si dhe pjesëmarrje në aktivitete, në bazë vullnetare në varësi të situatës së COVID-19.
Q: Kush duhet të aplikojë për PowerUP?
Të gjitha startup-et inovative dhe ndërmarrjet e vogla ose të mesme nga një prej gjashtë vendeve të Ballkanit Perëndimor (Shqipëria, Bosnja dhe Hercegovina, Kosova[1], Maqedonia e Veriut, Mali i Zi dhe Serbia) janë të mirëpritur të aplikojnë. Ne mezi presim të mësojmë më shumë rreth biznesit tuaj dhe t'ju ofrojmë mundësinë për të promovuar kompaninë tuaj gjatë këtij Programi.
Q: Cilat janë kriteret për t’u pranuar?
Këto janë kriteret e pranimit:
- Firmat duhet të jënë të vendosura në mënyrë të ligjshme dhe të regjistruara në një nga gjashtë vendet e Ballkanit Perëndimor (Shqipëria, Bosnja dhe Hercegovina, Kosova[2], Maqedonia e Veriut, Mali i Zi dhe Serbia);
- Firmat duhet të jenë operative prej së paku 1 viti;
- Firmat duhet të kenë ndërmjet 3-100 punonjës;
- Firmat duhet të jenë inovative dhe të kenë një produkt / shërbim që gjeneron të ardhura në të paktën një nga tregjet dhe për të cilin firma po kërkon të rrisë shitjet;
- Firmat nuk mund të angazhohen në prodhimin e alkoolit, duhanit ose armëve (armëve), ose industri të ngjashme. Organizatorët rezervojnë të drejtën të përjashtojnë firmat, aktivitetet e të cilave konsiderohet se krijojnë rreziqe reputacioni për organizatorët e programit, trajnerët, pjesëmarrësit apo të tjerë të përfshirë.
*Do t'ju kërkohet të ofroni prova të regjistrimit/përfshirjes.
Q: Si duhet të dalloj nëse kompania ime ose produktet / shërbimet e saj janë mjaftueshëm inovative?
Kontrolloni edhe një herë kriteret dhe aplikoni, nuk keni asgjë për të humbur!
Q: A mund të aplikoj në PowerUP nëse biznesi im nuk është i lidhur me teknologjinë?
Sigurisht! Kompanitë nga industri të ndryshme që besojnë se kanë një produkt, shërbim ose një model biznesi inovatitv janë të mirëpritur të aplikojnë.
Q: A mund të aplikoj në PowerUP nëse startup/kompania ime ka përfituar tashmë fonde?
Po, jeni të mirëpritur të aplikoni!
Q: Cilat janë temat e paketës përgatitore dhe trajnuese?
Programi i trajnimit dhe ngritjes së kapaciteteve do të sigurojë njohuri të vlefshme dhe do të përqëndrohet në temat e klientëve dhe të tregut; performanca financiare dhe ajo e brendshme; marka dhe prezantim përpara investitorëve të mundshëm.
Q: Si do t’i zgjidhni kompanitë për programin PowerUP?
Kompanitë do të përzgjidhen bazuar në kriteret e pranimit dhe ka një numër të kufizuar vendesh në program, përzgjedhja midis atyre që kualifikohen do të bëhet duke marrë parasysh diversifikimin e industrisë dhe e vendit nga i cili marrin pjesë.
Q: Si do të zgjidhni cilat kompani do të ftohen në eventin përfundimtar të PowerUP?
Përzgjedhja e kompanive për eventin përfundimtar të PowerUP do të bëhet bazuar në formularin e regjistrimit dhe të dhëna të tjera vënë në dispozicion nga kompanitë; vëzhgimet tona mbi gatishmërinë dhe përkushtimin që do të shfaqin gjatë gjithë programit duke ofruar mendimin tonë për aktivitetin e tyre, pjesëmarrjen dhe prezantimet video të përgatitura prej tyre - kompanitë do të filmojnë prezantimet e tyre për investitorë të mundhshëm dhe do të na e dërgojnë paraprakisht për rishikim.
Q: Cili është formati i prezantimit përpara investitorëve?
Prezantimi i kompanisë tuaj përpara investitorëve do të përbëhet nga 5-10 minuta prezantim i ndjekur nga 5 minuta pyetje & përgjigje me jurinë. Do të keni mundësi të përdorni materiale shoqëruese/prezantim në power point të përgatitur paraprakisht gjatë prezantimit të kompanisë tuaj.
Q: Ku mund të gjej më shumë informacion?
Vizitoni këtë link ose na kontaktoni direkt në CEBAPowerUpWB@deloitte.com.
Rimëkëmbja nga COVID-19 | ndërtimi i kapaciteteve | sipërmarrje | prezantim para investitorëve | trajnim falas |mbështetje për SME| mbështetje për Startup | ndihmë për model biznesi | start-up program | financim i start-ups | si të rrisim shitjet | program për SME
1 & 2. Për BE-në, ky përcaktim nuk cënon qëndrimet mbi statusin dhe është në përputhje me Rezolutën 1244/1999 të UNSCR dhe Opinionin e GJND-së për shpalljen e pavarësisë së Kosovës.
Recommendations
Rreth Programit
Mësoni më shumë rreth përfitimeve
PowerUP eventi final
Mësoni më shumë rreth çmimeve